මධ්‍යම පළාත් කෘෂිකර්ම දෙපාර්තමේන්තුව යටතේ පවත්වාගෙන යනු ලබන මෙම දිස්ත්‍රික් කෘෂිකර්ම පර්යේෂණ හා පුහුණු මධ්‍යස්ථානය මහනුවර දිස්ත්‍රික්කයේ පල්ලේකැලේ පිහිටා ඇත. මෙය වර්ෂ 1990 දී ආරම්භ කර ඇති අතර මහනුවර දිස්ත්‍රික් නියෝජ්‍ය කෘෂිකර්ම අධ්‍යක්ෂකගේ අධීක්ෂණය යටතේ පාලනය වේ.

මෙම ආයතනය කුණ්ඩසාලේ ප්‍රාදේශීය ලේකම් කොට්ඨාශයට අයත් කුණ්ඩසාල දකුණ ග්‍රාම නිළධාරී වසමේ ජනසවිගම පිහිටා ඇති අතර අක්කර 1.75 ක භූමි ප්‍රමාණයකින් සමන්විත වේ.

මෙම ආයතනයේ ප්‍රදාන කාර්යභාරය පටක රෝපණ තාක්ෂණය භාවිතයෙන් කෙසෙල්, ඕකිඩ්, ඇන්තූරියම් පැල නිෂ්පාදනය කර වෙළදපොලට නිකුත් කිරීමයි. පටක රෝපණ පැල සදහා අධික ඉල්ලුමක්ද ඇත

මධ්‍යම පලාත තුළ රාජ්‍ය ආයතනයක් ලෙස පටක රෝපණ තාක්ෂණයෙන් පැල නිෂ්පාදනය කර අලෙවිය සිදු කරන එකම ආයතනය ලෙස මෙම පර්යේෂණ හා පුහුණු මධ්‍යස්ථානය හදුන්වා දිය හැක.

එසේම පටක රෝපණ තාක්ෂණයෙන් පැල නිෂ්පාදනයට අවශ්‍ය මුලික යෙදවුම් ප්‍රමාණාත්මකව ඉහල නැංවීම මගින් ආයතනයේ පවතින සීමිත සම්පත් උපයෝගී කර ගනිමින් පැල නිෂ්පදනය ඉහල නංවා ලාභ ලබන ආයතනයක් ලෙස සංවර්ධනය කිරීමට අපේක්ෂා කෙරේ.

මධ්‍යම පළාත තුල රාජ්‍ය ආයතනයක් ලෙස පටක රෝපණ පැල නිෂ්පාදනය කර අලෙවි කටයුතු වල නිරත වන එකම ආයතනය ලෙස මෙම ආයතනය මේ වන විට පවත්වාගෙන යනු ලැබේ. නිසි ගුණාත්මයෙන් යුක්ත පැල සාධාරණ මිලකට අලෙවිය සිදු කරන බැවින් මෙම ආයතනය මගින් නිකුත් කරන පැල සදහා මේ වන විට අධික ඉල්ලුමක් ඇති වී ඇත. පැල නිෂ්පාදනයට අවශ්‍ය මුලික යෙදවුම් හා නවීන උපකරණ තව දුරටත් ලබා දීම තුලින් පවතින සීමිත සම්පත් උපයෝගී කර ගනිමින් පැල නිෂ්පාදන කාර්යක්ෂමතාවය තව දුරටත් ඉහල නැංවීම සිදු කල හැක.

අක්කර 1.75 ක භූමියේ විද්‍යාගාර ගොඩනැගිල්ල , ආරක්ෂිත ගෘහ හා පැල දැඩි කිරීමේ ගෘහ යන අංගයන් පවතින අතර පවතින සීමිත ඉඩකඩ ප්‍රයෝජනයට ගනිමින් එලවලු හා පලතුරු වගාවන් පවත්වාගෙන යන අතර ඒ සදහා අවශ්‍ය යෙදවුම් ලබා දී සංවර්ධනය කිරීම තුලින් ගැප් සහතික යටතේ පවත්වාගෙන යනු ලබන ආදර්ශ වගා භූමියක් ලෙස සංවර්ධනය කර ඇත. එමගින් ආයතනය වෙත පැමිණෙන පාරිභෝගිකයින්ට සේවාලාභින්ට හා පුහුණුලාභීන්ට නිවැරදි තාක්ෂණික පණිවිඩ සහිත ආදර්ශ වගා කිරීමක් නිරීක්ෂණය කිරීමටද අවස්ථාව ලැබේ. එබැවින් පවතින විභවයන් තුල ආයතනය සංවර්ධනය කිරීම වඩා කාලෝචිත වේ.